ദീപം

jisha rajan

ഏകാന്തതയുടെ ചൂഷണങ്ങളിൽ
മറന്നുവിട്ട നിലാവെട്ടം പൊഴിച്ച
ദിനങ്ങളൊന്നും എനിക്കന്യമല്ല
ഞാൻ നഗ്നയായിരുന്നു
മനസ്സിന്റെ മേച്ചിൽപ്പുറങ്ങളിൽ
തുണിയില്ലാതെ ഞാൻ അലഞ്ഞിടുന്നു
തീർക്കാത്ത സ്വപ്‌നങ്ങളെല്ലാം
നിറഞ്ഞു നിൽക്കുന്ന പ്രതീക്ഷകളാകുന്നു
എന്റെ ജീവിതത്തിന്റെ പ്രാരബ്ധം
ഇന്നിന്റെ പോക്കുവെയിലിൽ
ഞാൻ മൃതപ്രാണയായിരുന്നു
നാളെ ഞാൻ മരിക്കിലും സ്മൃതി വേണ്ടെനിക്ക്‌
നിശ്വാസമുതിർക്കില്ലൊരിക്കലും
എരിഞ്ഞു തീർക്കുമീ ജീവിതം
ആത്മസംഘർഷത്തോടെ മറിക്കട്ടെ
ഞാൻ അൽപ്പനേരം പൊഴിച്ച
പ്രകാശത്തിൻ സ്മരണയിൽ