Followers

Sunday, January 2, 2011

ദശാന്തരത്തിന്റെ കാലൊച്ചയോർത്ത്‌


rajanandini

ഒരു നിലാച്ചിന്ത്‌ നിനക്കുസ്വന്തം
നക്ഷത്രങ്ങൾ എനിയ്ക്കും.
നിലാവും നക്ഷത്രങ്ങളും നഷ്ടപ്പെടുന്നു
പകലോന്റെ ദീപ പ്രഭയിൽ
അവൻ....
സൗരയൂഥത്തിന്റെ അധിപൻ
നമ്മുടെ രാവുകളെ അപഹരിച്ചവൻ
എണ്ണിയാലൊടുങ്ങാത്ത
നക്ഷത്രങ്ങളെണ്ണി
ഞാൻ നിന്നെ ചുംബിക്കുമ്പോൾ
പൂർവ്വാംബരത്തിൽ അവൻ
അസൂയപ്പെട്ടു
ജ്വലിക്കുന്ന കണ്ണുകളാൽ നക്ഷത്രങ്ങളെ
അപ്രത്യക്ഷമാക്കി
നിലാവിന്റെ കൈപിടിച്ചു നീയും
എവിടെയോ മറഞ്ഞു
ദശാന്തരത്തിന്റെ കാലൊച്ചയ്ക്ക്‌
കാതോർത്ത്‌
ഞാൻ ഇവിടെ
തനിച്ച്‌.....