padmadas
ചില കവിതകൾ
പശുക്കിടാവിനെപ്പോലെയാണ്‌
പിറന്നുവീണതും
കുനികുത്തി ഓടിക്കയറിക്കളയും
മാസികത്താളുകളിലേയ്ക്ക്‌
വെളിച്ചം കാണാതെ
വാലൻപുഴുവരിച്ച്‌
പറിച്ചെറിഞ്ഞ ഭ്രൂണം പോലെ
നോട്ടുബുക്കിൽത്തന്നെ
അകാലചരമമടയാനായിരിക്കും
ചിലതിന്റെ വിധി
ഉള്ളുപൊള്ളയെങ്കിലും
ചിനക്കത്തൂരിലെ കുതിരവേലയെ
അനുസ്മരിപ്പിച്ചുകൊണ്ട്‌
കെട്ടിയെഴുന്നള്ളിക്കപ്പെടും ചിലവ
അന്നം പോലും കിട്ടാതെ
പിച്ചക്കാരനെപ്പോലെ
തിരസ്കൃതമാവും ചിലത്‌
ആരുടെയെല്ലാമോ ആത്മാവിൽ
സൂചിമുനകൊണ്ട്‌
അക്യുപങ്ചർ നടത്തി
രോഗശുശ്രൂഷ ചെയ്യുന്നുണ്ടാവും
വേറെ ചിലത്‌
അർത്ഥം വേർതിരിച്ചെടുക്കാനാവാത്ത
ഭ്രാന്തന്റെ ജല്പനങ്ങൾ പോലെ
എങ്ങുമെത്താതെ പോകും മറ്റുചിലവ
ഭ്രമണംപഥം വിട്ടുതകർന്ന
ബാഹ്യാകാശപേകടം പോലെ
ചിന്നിച്ചിതറി
പൊടിപോലുമവശേഷിപ്പിക്കാതെ പോകും
കുറേയെണ്ണം
അപ്പൊഴും
പിറക്കാത്ത ഭൂഖണ്ഡങ്ങളും
പുതിയ സഞ്ചാരപഥങ്ങളും കണ്ടെടുത്ത്‌
അനന്തതയിലേക്ക്‌ വഴിവെട്ടുന്നുണ്ടാവും
തീരെ ചെറുപ്പമായ, നാവുപോലുമുറയ്ക്കാത്ത
ചില ഇളമുറക്കവിതകൾ.....
ചില കവിതകൾ
പശുക്കിടാവിനെപ്പോലെയാണ്‌
പിറന്നുവീണതും
കുനികുത്തി ഓടിക്കയറിക്കളയും
മാസികത്താളുകളിലേയ്ക്ക്‌
വെളിച്ചം കാണാതെ
വാലൻപുഴുവരിച്ച്‌
പറിച്ചെറിഞ്ഞ ഭ്രൂണം പോലെ
നോട്ടുബുക്കിൽത്തന്നെ
അകാലചരമമടയാനായിരിക്കും
ചിലതിന്റെ വിധി
ഉള്ളുപൊള്ളയെങ്കിലും
ചിനക്കത്തൂരിലെ കുതിരവേലയെ
അനുസ്മരിപ്പിച്ചുകൊണ്ട്‌
കെട്ടിയെഴുന്നള്ളിക്കപ്പെടും ചിലവ
അന്നം പോലും കിട്ടാതെ
പിച്ചക്കാരനെപ്പോലെ
തിരസ്കൃതമാവും ചിലത്‌
ആരുടെയെല്ലാമോ ആത്മാവിൽ
സൂചിമുനകൊണ്ട്‌
അക്യുപങ്ചർ നടത്തി
രോഗശുശ്രൂഷ ചെയ്യുന്നുണ്ടാവും
വേറെ ചിലത്‌
അർത്ഥം വേർതിരിച്ചെടുക്കാനാവാത്ത
ഭ്രാന്തന്റെ ജല്പനങ്ങൾ പോലെ
എങ്ങുമെത്താതെ പോകും മറ്റുചിലവ
ഭ്രമണംപഥം വിട്ടുതകർന്ന
ബാഹ്യാകാശപേകടം പോലെ
ചിന്നിച്ചിതറി
പൊടിപോലുമവശേഷിപ്പിക്കാതെ പോകും
കുറേയെണ്ണം
അപ്പൊഴും
പിറക്കാത്ത ഭൂഖണ്ഡങ്ങളും
പുതിയ സഞ്ചാരപഥങ്ങളും കണ്ടെടുത്ത്‌
അനന്തതയിലേക്ക്‌ വഴിവെട്ടുന്നുണ്ടാവും
തീരെ ചെറുപ്പമായ, നാവുപോലുമുറയ്ക്കാത്ത
ചില ഇളമുറക്കവിതകൾ.....
