Followers

Sunday, September 29, 2013

കള്ള് വരുത്തിവച്ച വിന

ജോണി ജോസഫ്

പുലരും മുതൽ അന്തിവരെ
ജോലി ചെയ്ത ക്ഷീണമകറ്റാൻ
വൈകിട്ടൊരു രണ്ടു പെഗ്ഗ്
ഹാ എന്തൊരാശ്വാസം !!!

രണ്ടു പെഗ്ഗകത്തു ചെന്നപ്പോൾ
വീട്ടിലേക്കു പോകും വഴി
ചീട്ടുകളി ക്ലബ്ബു കണ്ടപ്പോൾ
അറിയാതെ ഒന്നിരുന്നുപോയി

കയ്യിലുള്ള കാശുപോയി
നാണക്കേട്‌ ബാക്കിയായി
വീട്ടിൽ കയറി ചെന്നപ്പോൾ
കേട്ടിയോൾക്ക് പരിഭവം

അകത്തുകിടന്ന കള്ളും പിന്നെ
കാശുപോയ നിരാശയും
ഒന്നവൾക്കിട്ടു പൊട്ടിച്ചു
കളിയെല്ലാം കാര്യമായി

അവൾ വല്യവായിൽ നിലവിളിച്ചു
കുട്ടികൾ ഉറക്കമുണർന്നു
നാട്ടുകാർ ലൈറ്റിട്ടെത്തിനോക്കി
എനിക്കരിശം മൂക്കിൻ തുമ്പിൽ

നാണക്കേടോർത്തവളുടെ
വായ മൂടാൻ ശ്രമമായി
ഉന്തും തള്ളുമായിട്ടവിടെ
ഉരുണ്ടു വീണവൾ 'പോയി'

കള്ളിന്റെ കെട്ടുവിട്ടെനിക്ക്
നാട്ടുകാർ മൊത്തമറിഞ്ഞു
ഓടിക്കൂടി കെട്ടിയിട്ടെന്നെ
കൈമാറി പോലീസിന്

നഷ്ട്ടപ്പെട്ട ജീവിതം എങ്ങിനെ
എന്നാലോചിച്ചു ഞാൻ
ക്ഷീണം അകറ്റാൻ അകത്താക്കിയ
രണ്ടു പെഗ്ഗ് കള്ളുതന്നെ കാരണം ?????