rajanandini
സഖീ നീ തനിച്ചല്ലെന്നോർക്കുക
സുധീരം നിന്നോർമ്മകൾ
കുടഞ്ഞൊന്നായെറിഞ്ഞുകളയുക
വേർപാടിൻ തിണർപ്പുകൾ
വേകുന്നോ നെഞ്ചിനുള്ളിൽ
ദുരിതക്കനലാട്ടം
കണ്ടുനീ പേടിച്ചുവോ?
കപടക്കോമരങ്ങൾ വഴികൾ മുടക്കിയോ?
ഞെരിഞ്ഞിൽ കിടക്കകൾ
ഉറക്കം കെടുത്തിയോ?
ചിന്തകൾ ഉലയിലെ
തീക്കനൽ എരിച്ചുവോ?
തീഷ്ണമീ നോവുകൾനിൻ
ഹൃദയം നുറുക്കിയോ?
തഴുകാം നിന്നെയെന്റെ
സ്നേഹത്തിൻ തൂവാലാലെ
പുരട്ടാം ചന്ദനം നിൻ
തപിക്കും മനസ്സിലും
നുകരാം ചുണ്ടിലൂറി
ത്തുടിക്കും വിതുമ്പലും
പകരാം നിനക്കായിട്ടി-
ജന്മസുകൃതങ്ങൾ
ഇനിയെൻപ്രിയേ തനിച്ചാകില്ല
ദൂരെത്തട്ടിയെറിഞ്ഞുകളയുക
കഴിഞ്ഞകാലങ്ങളെ
