raja nandini
ഞാൻ.....
സോളമന്റെ യരുശലേം കന്യ
ഇവിടെ...ആത്മനിവേശങ്ങളിൽ
അവനെത്തേടി
കാലപ്രഹരത്തിൽ വേർപ്പെട്ട കണ്ണാടിയിൽ
കണ്ടു അവനെ ഒരു ശ്ലഥബിംബമായി
പ്രപഞ്ചപുഷ്പജാലങ്ങളിൽനിന്നും
ഊറി വന്ന പ്രണയമധുരം
എനിയ്ക്കു നൽകിയ അവന്റെ ചുണ്ടുകൾ
വിണ്ടു കീറിയിരുന്നു....
കോടാനുകോടി നക്ഷത്രത്തിളക്കം
ആവാഹിച്ചെടുത്ത കണ്ണുകളിൽ
പ്രളയകാലത്തെ വിവശത
ഇടതൂർന്ന മുടിയിഴകളിൽ
വരണ്ട വയലിന്റെ വിള്ളലുകൾ
സന്ധ്യകൾ ചായം ചേർത്ത കവിളുകളിൽ
കരിഞ്ഞ പകലിന്റെ കാളിമ
അവൻ...
ലബനോനിലെ കാനനമന്ദിരത്തിൽ.....
ദേവദാരു ശിൽപങ്ങളിൽ...
പ്രേമത്തിന്റെ ജീവസ്പന്ദം നിറച്ചവൻ
അവൻ.....
ശാരോണിലെ ഒലീവിലകളിൽ
പ്രണയകാവ്യം രചിച്ചവൻ
ഞാൻ....യരുശലേം കന്യ
തേടിവന്നത്‌...
അവനെ വീണ്ടും ഉണർത്താൻ.....
കാട്ടുകഴുതകൾ ശൂന്യമായ കുന്നുകളിൽ
വായുവിനായി കുറുനിരകളെപ്പോലെ
അണയ്ക്കുമ്പോൾ...
യരുശലേമിന്റെ രോദനം....
പ്രപഞ്ചത്തിന്റെ അങ്ങേത്തലയ്ക്കൽ
മാറ്റൊലികൊള്ളുമ്പോൾ....
അവൻ ഉണരും... അവൻ ഉണരും....
സമരിയാ പർവ്വതങ്ങളിൽ വീണ്ടും
മുന്തിരിത്തോട്ടങ്ങൾ വച്ചു പിടിപ്പിയ്ക്കാൻ
അവൻ ഉണരും....
സോളമന്റെ യരുശലേം കന്യ
ഇവിടെ...ആത്മനിവേശങ്ങളിൽ
അവനെത്തേടി
കാലപ്രഹരത്തിൽ വേർപ്പെട്ട കണ്ണാടിയിൽ
കണ്ടു അവനെ ഒരു ശ്ലഥബിംബമായി
പ്രപഞ്ചപുഷ്പജാലങ്ങളിൽനിന്നും
ഊറി വന്ന പ്രണയമധുരം
എനിയ്ക്കു നൽകിയ അവന്റെ ചുണ്ടുകൾ
വിണ്ടു കീറിയിരുന്നു....
കോടാനുകോടി നക്ഷത്രത്തിളക്കം
ആവാഹിച്ചെടുത്ത കണ്ണുകളിൽ
പ്രളയകാലത്തെ വിവശത
ഇടതൂർന്ന മുടിയിഴകളിൽ
വരണ്ട വയലിന്റെ വിള്ളലുകൾ
സന്ധ്യകൾ ചായം ചേർത്ത കവിളുകളിൽ
കരിഞ്ഞ പകലിന്റെ കാളിമ
അവൻ...
ലബനോനിലെ കാനനമന്ദിരത്തിൽ.....
ദേവദാരു ശിൽപങ്ങളിൽ...
പ്രേമത്തിന്റെ ജീവസ്പന്ദം നിറച്ചവൻ
അവൻ.....
ശാരോണിലെ ഒലീവിലകളിൽ
പ്രണയകാവ്യം രചിച്ചവൻ
ഞാൻ....യരുശലേം കന്യ
തേടിവന്നത്‌...
അവനെ വീണ്ടും ഉണർത്താൻ.....
കാട്ടുകഴുതകൾ ശൂന്യമായ കുന്നുകളിൽ
വായുവിനായി കുറുനിരകളെപ്പോലെ
അണയ്ക്കുമ്പോൾ...
യരുശലേമിന്റെ രോദനം....
പ്രപഞ്ചത്തിന്റെ അങ്ങേത്തലയ്ക്കൽ
മാറ്റൊലികൊള്ളുമ്പോൾ....
അവൻ ഉണരും... അവൻ ഉണരും....
സമരിയാ പർവ്വതങ്ങളിൽ വീണ്ടും
മുന്തിരിത്തോട്ടങ്ങൾ വച്ചു പിടിപ്പിയ്ക്കാൻ
അവൻ ഉണരും....
