brinda
നീ നിന്റെ പ്രണയത്തെ
പൂട്ടിവച്ചേക്കുക
ആലോലമാടുന്ന മരച്ചില്ലകൾ
അങ്ങനെതന്നെയിരുന്നോട്ടെ
പക്ഷികൾ ചിറകടിക്കാറുണ്ട്‌
ആകാശത്തിനു കുറുകെ
പറക്കാറുണ്ട്‌
കാറ്റ്‌ ഇപ്പോൾ സുഗന്ധങ്ങളെ
കൊണ്ടു വരാറില്ല
നീ ഇപ്പോൾ വല്ലാതെ
വിളറിപ്പോയിരിക്കുന്നു
മുറികളിലടിഞ്ഞ്‌
പൊടിയും മാറാലയും പിടിച്ച്‌
പ്രാചീനമായ പ്രണയം
ഇരുണ്ട ഗോവണികളിലെ
ഇളകിയാടുന്ന പലകകൾ പോലെ.
ഇപ്പോൾ പ്രണയം
മോർച്ചറിക്കുള്ളിലെ
മരവിച്ച രാത്രികളാണ്‌
അറ്റുപോയ അവയവങ്ങൾ
കൂട്ടിച്ചേർക്കാനാകാതെ
അംഗഭംഗംവന്ന കിനാവുകളാണ്‌
വെയിൽ വരും മുമ്പേ
ഇലത്തണുപ്പുകളിൽ നിന്ന്‌
പൊയ്പ്പോയ മഞ്ഞുകണമാണ്‌
ആകാശങ്ങളിൽ ഒറ്റപ്പെട്ടുപോയ
ഒറ്റമഴത്തുള്ളിയാണ്‌.
നീ നിന്റെ പ്രണയത്തെ
പൂട്ടിവച്ചേക്കുക
ആലോലമാടുന്ന മരച്ചില്ലകൾ
അങ്ങനെതന്നെയിരുന്നോട്ടെ
പക്ഷികൾ ചിറകടിക്കാറുണ്ട്‌
ആകാശത്തിനു കുറുകെ
പറക്കാറുണ്ട്‌
കാറ്റ്‌ ഇപ്പോൾ സുഗന്ധങ്ങളെ
കൊണ്ടു വരാറില്ല
നീ ഇപ്പോൾ വല്ലാതെ
വിളറിപ്പോയിരിക്കുന്നു
മുറികളിലടിഞ്ഞ്‌
പൊടിയും മാറാലയും പിടിച്ച്‌
പ്രാചീനമായ പ്രണയം
ഇരുണ്ട ഗോവണികളിലെ
ഇളകിയാടുന്ന പലകകൾ പോലെ.
ഇപ്പോൾ പ്രണയം
മോർച്ചറിക്കുള്ളിലെ
മരവിച്ച രാത്രികളാണ്‌
അറ്റുപോയ അവയവങ്ങൾ
കൂട്ടിച്ചേർക്കാനാകാതെ
അംഗഭംഗംവന്ന കിനാവുകളാണ്‌
വെയിൽ വരും മുമ്പേ
ഇലത്തണുപ്പുകളിൽ നിന്ന്‌
പൊയ്പ്പോയ മഞ്ഞുകണമാണ്‌
ആകാശങ്ങളിൽ ഒറ്റപ്പെട്ടുപോയ
ഒറ്റമഴത്തുള്ളിയാണ്‌.
