സാജു പുല്ലൻ
ദാരിദ്രവും വിശപ്പും
പ്രണയച്ചൂടിൽ ഒന്നായി
ഒരുമാസം തികയുന്നതിനുമുമ്പേ
പ്രസവം നടന്നു.
പ്രസവാനന്തരം
അമ്മയുമച്ഛനും
ശിശുവിനെ ഉപേക്ഷിച്ച്‌ മറ്റൊരു മറതേടി
കടന്നുകളഞ്ഞു.
ഹാ-കഷ്ടം!
ഒരുശ്മശാനവും
ശിശുവിനെ ദത്തെടുത്തില്ല
ഒരു കുഴിവെട്ടുകാരന്റെ
പണി ആയുധവും
അതിന്‌ താരാട്ടുപാടിയില്ല.
പ്രസവങ്ങൾ
പിന്നെയും നടന്നു-
ഇരുളിന്റെ ചെറിയ മറകളിൽപോലും
അങ്ങിനെയുള്ള ഗർഭധാരണങ്ങൾ
തുടർന്നുകൊണ്ടിരുന്നു.
അത്തരം ഗർഭം
നിരോധിക്കുന്ന ഉറകൾ
ഹാ-കഷ്ടം!
എഴുതി
ആർത്തിയുടെ ഗർഭപാത്രങ്ങളിൽ
ഭ്രൂണഗണിതം
