ദൈവത്തിന്റെ മകൻ

suresh pattar

ദൈവത്തിന്റെ മകനിതാ-
ഭൂമിയിൽ അവതരിച്ചു
ലാറ്റിനമേരിക്കയിൽ, അർജന്റീനയിൽ
കാലിൽ തലച്ചോറും
തലയിൽ കാൽപ്പന്തുമായി

അവന്റെ ഹൃദയതാളം മുഴക്കുന്നതു
ആ കാൽപ്പന്തിന്റെ സൗന്ദര്യമേളത്തിനു
നിദാനമായിരുന്നു.

മൈതാനത്തു ചിത്രങ്ങൾ വരക്കുകയും
വായുവിൽ ചൂളിനടക്കുകയും
അവന്റെ കാലിൽ ഒട്ടിപ്പിടിച്ചിരിക്കുകയും
ചെയ്യുന്നതെത്ര നയനാന്ദമായ കാഴ്ചകിണ്ടിന്നും!
മനസിനു കുളിർമയും
ഹൃദയത്തിനു തെളിർമയും നൽകുന്ന കാഴ്ച

സന്തത്ത സഹചാരിയാവാം
കാൽപ്പന്തിൻ കേളീശൈലി
അരക്കിട്ടുറപ്പിച്ചവൻ ലോകം കീഴടങ്ങി!
എത്ര മഹനീയമാം വശ്യ സൗന്ദര്യ
നിത്യ സ്മരണകൾ
ഉയർത്തുന്ന നിൻ നിമിഷങ്ങൾ!
ഇന്നുമുണർത്തുന്നൊരാ നിമിഷങ്ങൾ!
നിൻ പിൻതലമുറക്കാർ
നിന്നോളമെത്തില്ലെങ്കിലും

ആർത്തിരമ്പുന്ന ഗാലറിപ്പട
നിശ്ബദമായ, മാന്ത്രിക സാന്നിദ്ധ്യം കൊണ്ട്‌,
മനസുകൊണ്ട്‌, ഹൃദയംകൊണ്ട്‌, സ്നേഹം കൊണ്ട്‌

നിസ്വവർഗ്ഗത്തിൻ മോചനത്തിന്നവൻ
കളിച്ചീടുന്നുമെന്നുംമെന്നും;
രാഷ്ട്രവ്യവഹാര മണ്ഡലത്തിൽ
അതിരുകളില്ലാതെ, അതിർവരമ്പുകളില്ലാതെ

മാന്ത്രികസ്പർശനത്തിൻ പ്രകടനമവൻ
മെക്സികോയിൽ കാഴ്ചവെച്ചു
പ്രശസ്തമാം മെക്സികൻ തിരമാലകൾ
പുഷ്പമലകൾ ചൊരിയുന്ന വേളയിൽ
രത്നകിരീടം ചൂടിച്ചു കളികൂട്ടുകാർ!

എത്ര സുന്ദരം, എത്ര മനോഹരമാ
മുഖത്തിൻ ശോഭ മായ്ക്കുവാനാവില്ലൊരു നാളിലും
കേശാലങ്കാര പ്രിയനാം നിനക്കിന്നു
കാഴ്ചകൾ കൂട്ടുന്നു, മനസിൽ നിറയെ.

വർഷങ്ങൾ പോയ്‌വതറിയാതെ പിന്നെയുമാ-
ഉത്സവമിറങ്ങത്തിടുന്നരികിൽ
നിന്നിടം കാലിൽ മാന്ത്രികത
കാണുവാൻ മോഹമായ്‌ പിന്നെയും തുടരുന്നു
കാൽപ്പന്തിൻ 'മഹാമേള'!

സുവർണ്ണനിമിഷത്തിൽ തങ്കലിപിക്കുള്ളിൽ
ചാർത്തിയ ഗോളുകൾ
ഗോളുകൾക്കുടമയാം ആ കാലുകൾ
നിൻ ബൂട്ടുകൾ, ജഴ്സികൾ.

പേരും പെരുമയുമാർജ്ജിച്ച സംഖ്യയെ, പത്തിനെ
സ്നേഹിച്ചു, നിൻ ജഴ്സിയിലൂടെ, വിയർപ്പിലൂടെ
ഇന്നും തുടരുന്നു, നിത്യസാന്നിദ്ധ്യമായി
കളിക്കാരനായി, കളിക്കൂട്ടുകാരനായി,
കളിപഠിപ്പിക്കുവാൻ തന്ത്രങ്ങൾ, മെനയുന്നു, നിൻപുരയിൽ
വരുന്നു, പടയാളികളുമായി
സേനാപതിയായ്‌ അവൻ, ആഫ്രിക്കയിൽ
വിശ്വത്തെ വിജയിക്കുവാൻ.....

നിർവ്വചനങ്ങൾ

suresh pattar

നിർവ്വചനങ്ങൾ
1. സന്യാസി:- വസ്ത്രം കുറയുന്തോറും ആധ്യാത്മികത്വം ഏറുന്ന മനുഷ്യൻ. കൗപീനം മാത്രമാകുമ്പോൾ പാവനചരിതൻ. അതുമില്ലാതിരിക്കുമ്പോൾ സാക്ഷാൽ ഈശ്വരൻ.
2. നിരീശ്വരന്മാർ:- പഴയ റഷ്യാക്കാർ ഇപ്പോഴത്തെ ഇന്ത്യാക്കാർ
3. സന്യാസിമാർ:- പാവം ചെയ്തതിന്റെ പശ്ചാത്തലം കാഷായമാക്കിയർ.
4. ഭീഷ്മാചാര്യൻ:- ആരു മരിച്ചാലും അയാൾക്കു ബഹുജനവും പത്രാധിപന്മാരും നൽകുന്ന വിശേഷണം.
5. പ്രഭാഷണവേദി:- "ഞാൻ ചോദിക്കുന്നു" എന്നു ധൈര്യമായി ഏതു പ്രഭാഷകനും പറയാവുന്ന സ്ഥലം.
6. ലോട്ടറി:- മണ്ടന്മാർക്കു പണം വാരിയെറിയാൻ പ്രയോജനപ്പെടുന്ന ഏർപ്പാട്‌.
7. ക്വിസ്സ്‌ പ്രോഗ്രാം:- ബുദ്ധിശൂന്യർ ബുദ്ധിയുള്ളവരെ മുട്ടുകുത്തിക്കുന്ന ഏർപ്പാട്‌.

പത്രം ആഫീസിലെ ഒരു തമാശ

suresh pattar

1. പത്രം ആഫീസിലെ ഒരു തമാശ

ലേഖകൻ 'മാക്സിം ഗോർക്കി' എന്നെഴുതിയിരിക്കുന്നു. പ്രൂഫ്‌ തിരുത്തേണ്ടിവന്നപ്പോൾ 'മാർക്ക്സിം ഗോർക്കി"യല്ലേ എന്നൊരാളിന്‌ സംശയം. അപ്പോൾ ഇടതുപക്ഷച്ചായ്‌വുള്ള ഒരു ജോലിക്കാരൻ പറഞ്ഞു. "മാർക്ക്സിസ്റ്റ്‌ ഗോർക്കി'യാണെന്ന്‌ അതു ശരിയല്ലെന്ന്‌ പറഞ്ഞു. വേറൊരു ജോലിക്കാരൻ അച്ചടിക്കേണ്ടതെന്താണെന്ന്‌ നിർദ്ദേശം നൽകി. ആ നിർദ്ദേശം സ്വീകരിക്കപ്പെട്ടു. പിറ്റേ ദിവസം പത്രത്തിൽ അച്ചടിച്ചു വന്നതിങ്ങനെ "മാക്സിമം ഗോർക്കി".

2. ദുഷ്ടന്റെ പ്രാർത്ഥന

ജ്ഞാനിയെന്ന നിലയിൽ പ്രശസ്തിയാർജ്ജിച്ച ഒരാൾ ദുഷ്ടനായ വേറൊരുവനോടുകൂടി കപ്പലിൽ സഞ്ചരിക്കുകയായിരുന്നു. കപ്പൽ മുങ്ങിയേക്കുമെന്ന ഭാവമുണ്ടായപ്പോൾ ദുഷ്ടൻ ഈശ്വരനെ ഉറക്കെ വിളിച്ച്‌ പ്രാർത്ഥന തുടങ്ങി. അതുകേട്ട്‌ ജ്ഞാനി പറഞ്ഞു: "കൂട്ടുകാരാ, നിങ്ങളൊന്നു മിണ്ടാതിരിക്കൂ, നിങ്ങൾ ഈ കപ്പലിൽ ഉണ്ടെന്ന്‌ ഈശ്വരൻ അറിഞ്ഞാൽ കപ്പൽ തീർച്ചയായും കടലിന്റെ അടിത്തട്ടിലേക്കു താഴും." അതിന്റെ ആവശ്യമുണ്ടോ? ഇതുകേട്ട ദുഷ്ടൻ തന്റെ പ്രാർത്ഥന നിർത്തി.