അങ്കക്കോഴി

ജയചന്ദ്രന്‍ പൂക്കരത്തറ

9744283321

ഉയിരിന്റെ

ഉശിരാര്‍ന്ന

ഉറുമികള്‍ക്കുള്ളില്‍

നേര്‍ത്തു

നേര്‍ത്തകലുന്ന

വൃത്തത്തിനുള്ളില്‍

ഒളിമിന്നി

ഒരുമിച്ചിരുന്നു മിന്നി

ഓര്‍ക്കാപ്പുറത്തുമിന്നി

ചതിക്കാത്ത

കളമതില്‍

കള്ളികള്‍ക്കുള്ളില്‍

കാല്‍കുത്തി നില്ക്കാന്‍

കഴിയാത്ത വാക്കില്‍

ചുരുണ്ടരയിലൊരു

വൃത്തമായ്

തീര്‍ന്നോരുറുമിയാണിപ്പോള്‍

നീയെന്ന സത്യം

വിളിച്ചു കൂവട്ടെ.

കരാര്‍

ജയചന്ദ്രന്‍ പൂക്കരത്തറ

9744283321

തലയ്ക്കു വെടികൊണ്ടാല്‍

അംബാസഡറും

മരിച്ചാല്‍

ചക്രവും.

കൈയില്‍

തോക്കേന്തി നില്ക്കുന്നവരേ,

നിങ്ങളാണ് ചരിത്രം

തിരുത്തുന്നത്.

ഒരു വെടിയുണ്ടയും

തലയും

തമ്മിലുള്ള

കരാറുണ്ടല്ലോ

അതാണ്

അതിശയകരം.

കരിഞ്ചുവപ്പ്

ജയചന്ദ്രന്‍ പൂക്കരത്തറ

9744283321

കരിയിലകള്‍

ഇളകിയിളകിക്കിടന്നു.

ചുവന്ന വാലുമായി

ഒരരണക്കുട്ടി

അതിന്നടിയിലൊളിച്ചു.

കാറ്റിളകി

ചുവന്നൊരു നക്ഷത്രത്തിന്റെ

മുകളില്‍

കരിയിലകള്‍.

ഒരു വാല്‍ നക്ഷത്രം

ഓടിയോടിയകന്ന്

വാല്‍മുറിച്ച്

ശൂന്യതയിലൊളിച്ചു.

പാറ്റിത്തുപ്പിയ

മുറുക്കാന്‍

മണ്ണില്‍ക്കിടന്ന്

കറുത്തുണങ്ങി.

-------

കോലൊളമ്പ് - പി.ഒ.

എടപ്പാള്‍ - 679576

മലപ്പുറം ജില്ല.

തിരനോട്ടം

ജയചന്ദ്രന്‍ പൂക്കരത്തറ

9744283321

നെഞ്ചിടിപ്പ്

ആരംഭിക്കുകയായി

അരങ്ങില്‍

അഞ്ചാം തരക്കാരന്‍

അണിയറയില്‍

അമ്പതുകാരി.

“ചെസ്റ്റ് നമ്പര്‍ സെവന്‍...”

ഗുരുവിനെ വണങ്ങാന്‍

അവന്‍ കാല്ക്കല്‍ വീണു.

വെളുത്ത്...മൃദുലമാര്‍ന്ന....

നാടോടിനൃത്തം

പൊടിപൊടിച്ച്

അവന്‍ വിയര്‍ത്ത്

തളര്‍ന്നു വീണു.

സ്വപ്നത്തില്‍നിന്നും

ഗുരുനാഥ എഴുന്നേറ്റപ്പോള്‍

പുറത്ത്

ലേശം ചളി പറ്റിയിരിക്കുന്നു.

എങ്കിലും

അവന്‍

തിരനോട്ടം നടത്തിയല്ലോ.

------